ململة جاية من «التململ»: الحركة الصغيرة اللي تسويها يدك وأنت تفكر أو تنتظر أو تحاول تركّز. وإحنا في ململة نطبع ألعاب تخلي هالحركة ممتعة.
قصة ململة
من أيام الجامعة، وبعدها في الشغل، انتبهت لشي يتكرر معي: كل ما زاد الضغط، ألقى نفسي أدوّر على أي شي يشغل يدي. كان يخفف عني الضغط، ويساعدني أرتاح شوي وأكمل شغلي.
ومع الوقت سألت نفسي: هل أنا الوحيد اللي كذا؟ وطلع فيه ناس كثير مثلي، يدوّرون على نفس الشي.
وبما إن عندي طابعة ثلاثية الأبعاد، قلت: ليش ما أجرب؟ وبديت أطبع قطع على ذوقي، وبنفس الوقت تسوي الشي اللي كنت أدوّر عليه: إن يدي تنشغل. ومن هالتجربة طلعت فكرة ململة.
واليوم أشارك هالقطع مع كل واحد يدوّر على نفس الشي.
وش نسوي
- كل قطعة نصممها ونطوّرها ونحط فيها لمستنا، وبعدين نطبعها بنفسنا بالطابعة ثلاثية الأبعاد.
- نختار التصاميم على سؤال واحد: تشغل اليد وتريحها ولا لا؟
- قطع للشباب والبالغين من عمر 14 سنة فأكثر، تمشي معك في المكتب والدراسة وأوقات الانتظار، وهدية حلوة لأي أحد يعرف هالإحساس.
عندك سؤال أو فكرة؟ يسعدنا نسمع منك على: support@malmala.sa